न्यागू लख सिरपायालिसें प्रधानमन्त्री कप मिसा भलिबल थौंनिसें न्ह्यात
लहनान्यूज | सिल्लागा सप्तमी ११४१, फागुन २१ शुक्रबाः
न्हेक्वःगु संस्करण प्रधानमन्त्री आमन्त्रण मिसा भलिबल धेँधेँबल्ला कासा थौंनिसें न्ह्यात ।
बाँके जिल्ला भलिबल संघया ग्वःसालय् फागुन २१ निसें २५ गते तक्क नेपालगन्ज रंगशालाया कभर्ड हल्य् न्ह्याःगु कासाय् ५गू पुचःया ब्वःति दु ।
थुगुसी त्याकुमी पिन्त दइगु सिरपालय् ३गू लख अप्वःकूगु दु । थुगुसीया च्याम्पियनं उपाधि लिसें ५गू लख ध्येबा कायेत ताःलाई ।
अथेहे ल्यू पुचलं निगू लख, लियांल्यूं १ लखः व प्यंगू थासय् लाम्हेसियां ५०द्वः ध्येबा बिइगु ग्वसाःखलकं जानकारी बिल ।
स्वंगू विभागीय पुचः नेपाल पुलिस क्लब, त्रिभुवन आर्मी क्लब, नेपाल एपिएफ क्लबलिसें होगांजी न्यू डायमण्ड क्लबं कासाय् धेँधेँबल्ला याइ ।
अथेहे स्थानीय पुचः लुम्ब्निी युनाइटेडं नं थुगुसी चर्चित क्लबलिसें धेँधेँबल्ला याई ।
वंगु ई थें थुगुसी नं नेपाःया चर्चित क्लबलिसें भारत व बंगालदेशया क्लबयात नं प्रधानमन्त्ती कपय् ब्वःति कायेया नितिं नेपाल भलिबल संघमार्पmत पहल जूसां तबि नं कोरोना महामारी पूवंक नियन्त्रण मजूगुलिं विदेशी पुचःत वयेमफइगु जानकारी आयोजकं बिउगु दु ।
थुगुसी मिस नेपाल नम्रता श्रेष्ठ न्हेक्वःगु प्रधानमन्त्री कपया सदभावना दूत जुयादि ।
