विश्वकप फुटबल छनौट कासाय् फ्रान्स, इंग्ल्याण्ड, जर्मनी, इटाली व स्पेन त्यात
चिल्लाथ्व प्रतिपदा, ११४१ चैत्र १५ सोमबाः
विश्वकप फुटबल छनौट अन्तर्गत युरोपेली पुचःया कासाय् वंगु चान्हय् फ्रान्स, इंग्ल्याण्ड, जर्मनी, इटाली व स्पेन त्यागु दु ।
साविक विश्व त्याकामि फ्रान्सं काजखस्तानयात उमिगु हे ख्यःलय् २–०या गोल अन्तरं बुका विश्वकप छनौटय् न्हापांगु जित दर्ता याःगु खः ।
थ्वया न्ह्यःया वालय् जूगु कासाय् युक्रेनलिसे १गू–१गू गोलया ज्वलिन्ज्वःलय् दिउगु फ्रान्सं वंगु चान्हय्सिया कासा त्याकेधुंका निगू कासां ४ गू ल्याः दयेकुगु दु ।
वंगु चान्हय् जूगु मेगु कासाय् जर्मनीं रोमानियायात १–०या गोल अन्तर ंबुकुबलय् इंग्ल्याण्डं अल्बानियायात २–०या गोल अन्तरं त्याकुगु दु । अथेहे स्पेनं जर्जीयायात २–१गू गोल अन्तरं बुकुबलय् डेनमार्कं माल्दोभायात ८–०या तःधंगु अन्तरं बुकुगु दु ।
अथेहे स्विडेनं कोसोभोयात ३–०या गोलं , इटालीं बुल्गेरियायात २–०या गोलं, स्विट्जरल्याण्डं लिथआनियायात १–०या गोलं व अष्ट्रियां फारो आईल्याण्डयात ३–१या गोल अन्तरं बुकुगु खः ।
Categorized in कासा
