२०८० चैत्र १५, बिहिबार

अख्तियारया डिआइजीइ सुवेदी

लहनान्यूज सम्वाददाता | ने.सं. ११३६ कौलागा एकादशि (२६ अक्टोबर २०१६)

अख्तियार दुरुपयोग अनुसन्धान आयोगया डिआइजीइ देवेन्द्र सुवेदी नियुक्त जुयादीगु दु ।

प्रहरी मू ज्याकुथिया सिफारिय् गृहमन्त्रीस्तरीय निर्णयपाखें प्वनाच्वंगु प्रहरी महाशाखाय् सुवेदीयात सरुवा याःगु खः । आयोगय् दुम्ह डिआइजी हेमन्त मल्ल ठकुरी प्रहरी मू ज्याकूया प्रहरी महानिरीक्षकया सचिवालयस वयेधुंकाः आयोगया महाशाखा लच्छिन्ह्यःनिसें डिआइजी विहीन जुयाच्वंगु खः ।

अख्तियारया प्रमुख आयुक्त लोकमानसिंह कार्कीया प्रहरी परिचालन सम्बन्धि शैलीयात असन्तुष्ट जुइवं मल्ल लच्छि न्ह्यः आयोगपाखें मू ज्याकुथी वःगु खः । थौंकन्हय् मल्ल प्रहरी प्रबक्ताया कथं ज्या यानाच्वंगु दु । आयोगय् सरुवा जुयादीम्ह सुवेदी गम्भिर प्रकृतिया अपराध अनुसन्धानय् पोख्त व्यवसायिक प्रहरी अधिकारीकथं म्हस्यू ।

सुवेदी थ्वस्वयां न्ह्यः महानगरीय प्रहरी अपराध महाशाखा, मध्य क्षेत्रीय प्रहरी ज्याकू व प्रहरीया विशेष ब्यूरो प्रमुख जुयाः ज्या यानादीधुंकूगु दु ।

Categorized in राजनीति