अख्तियारय् १५म्ह कर्मचारीयात कोरोना संक्रमण पुष्टि
लहनान्युज | गुंलागा १ ११४०,साउन २० मंगलवाः
अख्तियार दुरुपयोग अनुसन्धान आयोगया १५म्ह कर्मचारीयात कोरोना संक्रमण पुष्टि जूगु दु ।
आइतवाः १८२म्ह कर्मचारी याःगु स्वाब संकलन याना परीक्षण याःगु खःसा थौं मंगलवाः १५म्हेसित कोरोना संक्रमण पुष्टि जूगु धका धाःगु दु ।
कोरोणा संक्रमण पुष्टि जूपि अधिकांश प्रहरी कर्मचारीपि खः ।
अख्तियारया अप्रेसनय् लागि खोटाङ वःपि छम्ह प्रहरी अधिकारीयात कोरोना संक्रमण जुइवं वयागु स्वापू दुपि नाप स्वाब संकलन याना परीक्षण याःगु खः ।
मेपि संक्रमित नाप कन्याक ट्रेसिङ सुरु याःगु दु ।
