अफगाननिस्तानय् आत्मघाती आक्रमणय् २७ सित
लहनान्यूज सम्वाददाता | कछलागा सप्तमी ११३७ (नोभम्बर २१ २०१६)
अफगानिस्तानय् थौं याकूगु छगू आत्मघाती आक्रमणय् २७ सीगु दु ।
अफगानिस्तानया राजधानी काबुलय् शिया मुस्लिम मस्जिद बकीर उल ओलम मस्जिदय् छम्ह आत्मघाती आक्रमणकारीं याकूुगु विष्फोटय् म्ह्वतिं नं २७ सीगु प्रहरीं धाःगु खः । स्थानीय रिपोर्टया कथं सीपिंलय् मस्त नं लाःगु दु ।
घटनाय् मेपिं ३५ घाःपाः जूगु बिबिसिं न्ह्यथंगु दु ।
आक्रमणकारी मस्जिद भवन दुने मनूतयगु पुचलय् हे च्वनाच्वंगु दुगु खः । घटनाया भाला आःतक्क सुनां काःगु मदुनि ।
मनूत पैगम्बर मोहम्मदया छय् इमाम हुसैनयात श्रद्धांजलि प्वंकेत मुनाच्वंगु इलय् घटना जूगु खः ।
अफगानिस्तानय् शिया समुदाय १५ प्रतिशत दु ।
Categorized in अन्तर्राष्ट्रिय
