अफगानिस्तानं थःगु देशय् आंतकवादी ज्याखँ न्ह्याकूगु पाकिस्तानया द्वपं
बछलागा सप्तमी ११४१, असार १७ बिहिवाः
अफगानिस्तानया पिकाटिका प्रान्तय् अज्ञात बन्दुकधारीं कयेकूगु गोलि लानाः निम्ह पाकिस्तानी सैनिक सीगु दु ।
अफगानिस्तानया सीमा लिक्क सुरक्षाय् दुपिं पाकिस्तानी सैनिकयात गोलिं कयेकाः स्याःगु अन्तर्राष्ट्रिय समाचार संस्थातय्सं न्ह्यथंगु दु । उत्तरी पाकिस्तानस्थित बजिरिस्तान क्षेत्रया सैनिक चेकपोष्टय् अज्ञात पुचःया आक्रमणय् उपिं सैनिक सीगु पाकिस्तानी सेनां दावी याःगु दु ।
थुखे पाकिस्तानं थःगु देशय् आतंकवादी ज्याखँ न्ह्याकेत अफगानिस्तानयात छ्यःगु धासें तं प्वंकूगु दु । पाकिस्तानं उगु घटना पूर्वी अफगानिस्तानय् दुगु तहरीक ए तालिबानी पाकिस्तानं हताः याःगु दावी याःगु दु ।
तर अफगानिस्तानं धाःसा उगु हताः व पाकिस्तानया द्वपंप्रति छुं हे प्रतिक्रिया मक्यंनि । लिपांगु इलय् अफगानिस्तानं पाकिस्तानील्सेइँ २६ किलोमिटर सीमा क्षेत्रइ् तारबार तयेगु पाकिस्तानया निर्णयया विरोध यानावःगु दु ।
पाकिस्तानं सन् २०१७य् छखेरं सीमा सुरक्षाया लागिं धासें तारबार तयाहयेधुंकाः अफगानिस्तानं थुकिया विरोध यानावःगु दु ।
Categorized in अन्तर्राष्ट्रिय
