अफगानिस्तानय् इस्लामिक स्टेटविरुद्ध कारबाही न्ह्याकातयेगु अमेरिकाया ख्याच्वः
गुंलागा अष्टमी ११४१, भाद्र १४ सोमवाः
अमेरिकाया राष्ट्रिय सुरक्षा सल्लाहकार जेक सुलिवनं काबुल एयरपोर्टय् हताः याःपिं विरुद्ध अफÞगÞानिस्तानय् कारवाही न्ह्याकातयेगु ख्याच्वः बियादीगु दु ।
वयेकलं राष्ट्रपति जो बाइडन न्हूगु ल्वापु न्ह्याकेगु पक्षय् मदूगु धासें विमानस्थलय् हताः याःगु इस्लामिक स्टेट खुरासानयात बर्बाद यायेत अमेरिकी सैनिकयात न्ह्याथेंज्यागु ग्वहालि यायेगु स्पष्ट यानादील ।
राष्ट्रिय सुरक्षा सल्लाहकार सुलिवनं थःपिन्सं इस्लामिक स्टेटयात ल्वापुया मैदानं चिइकेत वंगु वालय् न्ह्यागु कारवाहीलय् थप अभियान न्ह्याकेगु नं उल्लेख यानादील ।
वयेकलं उगु पुचःलं अफगानिस्तान पिने छुं नं ज्यापहः याये मफइगु जूसा नं उमिसं अन थःगु क्षमता विस्तार याये फइगु धयादील । आइतबाः काबुल विमानस्थल लिक्कसं इस्लामिक स्टेटसम्बद्ध छगः सवारी ज्वलंनय् ड्रोन हताः याःगु खः ।
अमेरिकी अधिकारीतयेसं काबुल विमानस्थलय् हताः यायेगु आज्जु तःगु आत्मघाती बमधारी विरुद्ध निशाना दयेकाःगु न्ह्यथंगु दु । ड्रोन हताःलं विमानस्थलय् दूगु छगू खतरा क्वचागु अमेरिकाया जिकिर दु ।
Categorized in अन्तर्राष्ट्रिय
