तालिवानी हमला नियन्त्रणया लागिं अफगानिस्तान सरकारं कफ्र्यु आदेश जारी याःगु दु ।

अमेरिकी सेना लिहां वनेधुंकाः अफगानस्तानय् सक्रिय जूगु तालीवानया ज्याखँ पनेत कफ्र्यु आदेश जारी याःगु खः । अफगानस्तानया ३४ प्रान्तमध्ये ३१ प्रान्तय् चान्हय् १०ताः इलंनिसें सुथय् ४ताः ईतक्क कफ्र्यु लागू याःगु खः ।

तालिबान पुचलं मुख्य सीमा नाका पुलीगु अप्वःथे जिल्लाय् कब्जा याःगु दु । हिंसा पनेत व तालिबानी आन्दोलनयात सीमित यायेत काबुललिसें देय्न्यंकया ३१ प्रान्तय् रात्रीकालीन कफ्र्यु लागू जूगु अफगानिस्तान सरकारं न्ह्यथंगु दु ।

तालीवानी बिद्रोहीं अफगानिस्ताया बागू ब्वय् कब्जा यायेधुंकाः अफगान सरकार तँसा मारय् लाःगु दु । थ्व हे दथुइ, अफगानिस्तानया कन्दहारय् जूगु झडपय् ३० स्वयां अप्वः सीगु दु ।

Categorized in अन्तर्राष्ट्रिय