२०८० चैत्र १६, शुक्रबार

अफ्रिका कप फुटबलया फाइनलय् थौं इजिप्ट व सेनगल दथुइ धेंधेंबबल्ला

सिल्लाथ्व पंचमी ११४२, माघ २३ आईतवाः

अफ्रिका कप अफ नेशन्स फुटबल धेंधेंबल्लाया फाइनलय् थौं इजिप्ट व सेनेगल दथुइ धेंधेंबल्ला जुइत्यंगु दु ।

क्यामरुनय् जुइगु थुगु कासायात इंग्लीश फुटबल क्लब लिभरपुलया निम्ह स्टार कासामि मोहोमद सालाह व सादियो मानेया भिडन्तया रुपय् व्याख्या याःगु दु ।

सालाह इजिप्टया दक्वःलय् प्रभावशाली कासामि खःसा मानें थुगु धेंधेंबल्लाखय् सेनगलया नितिं दक्वःलय् अप्वः गोल याःम्ह कासामिया किर्तीमान ज्वलिन्ज्वः याःगु दु ।

थौंया कासाय् गोल याःसा वयेक सेनेगलया नितिं दक्वःलय् अप्वः ३०गू गोल याःम्ह आःतक्कया हे दक्वःलय् ताःलाम्ह कासामि जुइ । इजिप्टं आःतक्क ७ क्वः अफ्रिका कप त्याकुगु दुसा सेनेगल न्हापांगु उपाधिया मालेज्याय् दु ।

सेमीफाइनलय् क्यामरुनयात बुका इजिप्ट अले बुर्किना फासोयात बुका सेनेगल फाइनलय् थ्यंगु खः । थ्वहे दथुइ अफ्रिका कप फुटबलया ३गूगु थायेया नितिं जूगु कासाय् क्यामरुन त्यागु दु ।

बुर्किना फासोयात पेनाल्टी सुट आउटय् बुका ग्वसाःखलः क्यामरुनं ३गूगु थाय् चूलाकुगु खः ।

Categorized in कासा