अफ्रिकी देय् बुर्किना फासोय् सेनां सत्ता कब्जाय् काल
पोहेलागा अष्टमी ११४२, माघ ११ मंगलबाः
अफ्रिकी देय् बुर्किना फासोय् सेनां शासन सत्ता थःगु ल्हातय् काःगु दावी याःगु दु ।
बुर्किना फासोया राष्ट्रपति रोज काबोरेयात अपदस्थ याना सत्ता कब्जा यानागु सेना दावी याःगु दु ।
सेनाया छम्ह उच्च अधिकारीं टेलिभिजनपाखें सन्देश बिउसें सुरक्षाया अवस्था तच्वकं बाँमलागुलिं सत्ता कब्जाय् कायेमाःगु धाःगु दु ।
बुर्किनो फासोय् लिपांगु ईलय् इस्लामवादी विद्रोहीपिन्सं संरक्षण याःगु द्वपं बिउसें देशय् अशान्ति ब्वलंकूगु सेनाया दावी दु ।
यद्यपि राष्ट्रपति रोजयात ज्वंगु वा सुरक्षित थासय् च्वनाच्वंगु दु धैगु बुखँ पिहाँवःगु मदुनि ।
राष्ट्रपतिं देय्या सुरक्षा संकटलिसें ल्वायेत असफल जूगु व देय्यात छधि यायेगु भूमिका मम्हितुगुलिं देय्या हितया नितिं सेनां मेगु पलाः न्ह्याकेगु दावी नं याःगु दु ।
