अमेरिकां प्लाज्मा थेरापीया अनुमति बिल
लहनान्युज | ञंलाथ्व ६ ११४०,भाद्र ८ सोमवाः
अमेरिकां कोरोना संक्रमितपिनिगु वासः यायेगु लागि प्लाज्मा थेरापीयाःगु अनुमति बिःगु दु ।
राष्ट्रपति डोनाल्ड ट्रम्पं ह्वाइट हाउसय् छगू पत्रकार सम्मेलनयासे उगु खँया जानकारी बिःगु दु ।
कोरोना भाइरसयात ‘चिनियाँ भाइरस’ धाःसे ट्रम्पं थुगु मजबुत लडाइँया छगु ब्बः खँ धका धाःसे थुगु लडाइँपाखे यक्को जीवन जोगे याये फइ धका धाःगु दु ।
ट्रम्पं प्लाज्मा थेरापीपाखे सीपि ३५ प्रतिशत घटे याये फइगु अनुसन्धानपाखे सिइ दुगु धका धाःगु दु । उकि कोरोना संक्रमणपाखे लायेकेगु लागि प्लाज्मा दान यायेत आह्वान याःगु दु ।
अमेरिकी राष्ट्रपति ट्रम्पं कोरोना भाइरस विरुद्धया खोप याकन हे पिहा वइगु खँय् विश्वास प्वका दिगु दु ।
अमेरिकाय् हलियक स्वया दकलय् अप्व ५६ लाख ९९ हजार स्वया अप्व मनूत कोरोनापाखे संक्रमित जूगु दु । उकि मध्ये १ लाख ७६ हजार स्वया अप्व मनूत सी धूकुगु दु ।
Categorized in अन्तर्राष्ट्रिय
