अमेरिकाय् चिनियाँ कम्पनीयात प्रतिबन्ध
कछलागा नवमी ११४१, जेठ २१ शुक्रबाः
अमेरिकां चिनियाँ कम्पनीइ अमेरिकी लगानीइ प्रतिबन्धयात विस्तार याःगु दु ।
राष्ट्रपति जो बाइडेनं थःपिनि नागरिकयात आपालं चिनियाँ टेक व रक्षा कम्पनीइ सैन्य स्वापू व लगानी बिस्तारय् रोक तःगु घोषणा यानादीगु खः । राष्ट्रपति बाइडेनं जारी याःगु न्हूगु आदेश कथं अगस्टया सुरुवातनापं हुवाइ लिसेंया थी थी फार्मय् प्रभाव लाये फइगु ताकं जूगु बीबीसीं न्ह्यथंगु दु ।
राष्ट्रपति बाइडेनया थुगु निर्णया थ्वयान्ह्यःया सरकारया योजनायात निरन्तरता बिइगु जूगु गुलिखय् विश्लेषकतयेसं दावी याःगु दु ।
थुखे चीनं धाःसा अमेरिकाया उगु निर्णयया आधिकारी कथं घोषणा यायेन्ह्यः हे पुर्नविचार यायेत इनाप याःगु खः । न्हूगु आदेशअन्र्तगत अमेरिकी लगानीकर्तातयेत चीन सामान्य आणविक उर्जा नियम, चाइना मोबाइल लिमिटेड व कोस्टार पुचः लिसेंया मेगु कम्पनीतये सार्वजनिक टे«ड सेक्युरिटी न्यायेगु वा मिइगुलिइ प्रतिबन्ध तइगु जूगु दु ।
थुगु नियम थी थी ३१गू कम्पनीइ लागू जुइगु धाःगु दु । प्रतिबन्धित कम्पनीया धलः रक्षा मन्त्रालयं सार्वजनिक याइगु धाःगु दु ।
थ्वहे दथुइ हुवाइ कम्पनीं अमेरिकां सन् २०१९खय् थःपिन्त तःगु प्रतिबन्धं थःगु व्यवसाय बिस्तारय् तःधंगु लिच्वः लाःगु न्ह्यथंगु खः ।
वंगु जुलाइमय् कम्पनीं सुरक्षा जोखिम खनेदूगु दावी यासें अमेरिकी पलाःखं बेलायती कम्पनीयात थःगु क्षमता व प्रविधि विस्तारय् लिच्वः लाकिगु न्ह्यथंगु खः ।
Categorized in अन्तर्राष्ट्रिय
