अमेरिकाय् नेपालभाषाया कक्षा न्ह्यात
लहनान्युज | दिल्लागा अष्टमी ११४०,असार २९ सोमवाः
नेवाः अर्गनाइजेसन अफ अमेरिका फ्लोरिडा कचाःया ग्वसालय् अनलाइन पाखें फ्लोरिडाय् च्वना च्वंपिं ६ दँ निसें ३२ दँ तकया २६ म्ह नेवाःतय्त नेपालभाषा स्येनेगु ज्या न्ह्याःगु दु ।
संस्थाया नायः डा. राजेन्द्र शाक्यं त्वाः देवाय् मत च्याकाः न्ह्याकादीगु खः ।
वाः पतिकं शनिवाः कुन्हु जुइगु थुगु कक्षा म्हिगः शनिवाः कुन्हु निसें न्ह्याःगु खः ।
शिकागोय् च्वनादीम्ह हलिं नेवाः दबू, अमेरिका कचाया नेपालभाषा व साहित्यया डिभिजन डाइरेक्टर व बाखं च्वमि केशरमान ताम्राकारं नेपालभाषा स्यनादिगु खः ।
