अमेरिका व युरोपियन युनियनया इरानयात कुंख्यना
बछलागा त्रयोदशी ११४१,असार २३ बुधवाः
अमेरिका व युरोपियन युनियन, ईयूं इरानं युरेनियम धातु उत्पादन यायेगु निर्णययात कुंख्यंगु दु ।
अन्तर्राष्ट्रिय आणविक उर्जा एजेन्सी, आईएईएं इरानं युरेनियम उत्पादनया ज्याझ्वःयात २०गू प्रतिशतं अप्वयेकेगु योजना न्ह्यब्वःगु दाबी याःगु दु । इरानं युएन आईएईएयात २०गू प्रतिशत शुद्ध युरेनियम धातु उत्पादनया योजना न्ह्यब्वःगु खः ।
थ्व सुचंलिसे हलिंया शक्तिशाली राष्ट्र उकियात विरोध यानाः विपक्षय् दंगु दु । इरानया युरेनियम उत्पादनया घोषणालिसे भियनाय् जुइगु धयातःगु युरेनियमसम्बन्धि मंका कार्ययोजनाया वार्ता न त प्रभावित जूगु दु ।
अमेरिकी विदेश विभागया प्रवक्ता नेड प्राइसं परमाणु हतियार उत्पादनय् प्रतिबन्ध तयातःगु खःसां उकिया विरुद्ध पलाः छ्यूगु धासें इरानयात विरोध याःगु खः ।
थःपिं वंगु ईलय्या सहमति पालना यायेत इमान्दार जुयागु खःसां इरानं उकियात बेवास्ता यानाः न्ह्यज्याःगु धासें युरेनियम उत्पादनया ज्याझ्वः दिकेत धागु दु ।
Categorized in अन्तर्राष्ट्रिय
