अर्जेन्टिनाया महान फुटबल कासामि डिएगो म्याराडोना मन्त ।

६० दँया बिश्वया चर्चित कासामि अर्जेन्टिनाया म्याराडोना मन्त बिश्वया चर्चित फुटवल कासामि म्याराडोना हर्ट एटेक जुयाः मन्त ।

म्याराडोनायात नोवेम्भरया सुरुपाखे न्ह्यपु थाःगु ब्लड क्लट लिकायेगु निंतिं सफल अप्रेशन जूगु खःसा थ्व लिपा छेँय् हे आराम यानाच्वंगु खः ।

सन् १९८६ य् विश्वकप त्याकूगु अर्जेन्टिनी टिमया कप्तान म्याराडोना विश्वया उत्कृष्ट कासामि मध्ये पेले धुंकाः लाःम्ह खः । म्याराडोना थःगु जमानाय् स्पेनिस क्लब बार्सिलोना व इटलीया नेपोली क्लबं म्हितूम्ह खः ।

अर्जेन्टिनाया राष्ट्रिय टिमया प्रशिक्षक नं जुयादीम्ह खः ।

Categorized in कासा