अर्जेन्टिना कोपा अमेरिका फुटबलया सेमिफाइनलय्
बछलागा दशमी ११४१, असार २० गते आइतबाः
अर्जेन्टिना कोपा अमेरिका फुटबलया सेमिफाइनलय् थ्यंगु दु ।
थौं सुथय् जूगु कासाय् इक्वेडरयात ३–०नां त्याकुसें अर्जेन्टिनां सेमिफाइनलय् कोलम्बियालिसे म्हितिगु पक्का याःगु खः ।
अर्जेन्टिनाया जितय् गि रोड्रिगो डी पल, लौतारो मार्तिनेज व लियोनल मेस्सीं गोत यात । थ्वयान्ह्यः इन्जुरी इया निगूगु मिनेटय् इक्वेडरया पिएरो हिन्कापिएलं न्ह्यांग कार्ड नया कासा ख्यः त्वतेमाल ।
थौं हे सुथय् जूगु कासाय् उरुग्वेयात टाइब्रेकरय् जित लिकासें कोलम्बियां लिपांगु प्यंगूगु थाय्या यात्रा तय याःगु दु । आः अर्जेन्टिनां फाइनलय् दुथ्याय्त कोलम्बियालिसे म्हितिइ ।
मेगु सेमिफाइनल कासा धाःसा ब्राजिल व पेरु दथुइ जुइ ।
Categorized in कासा
