२०८० चैत्र १६, शुक्रबार

अष्टलक्ष्मी शाक्यं विश्वासया मत काइगु

कौलाथ्व चतुर्थी ११४१, असोज २४ आईतवाः

बागमती प्रदेशया मुख्यमन्त्री अष्टलक्ष्मी शाक्यं थौं भलसाया मत कयादीत्यंगु दु ।
 
नेकपा एमाले ब्वथलेधुंका अल्पमतय् लानादीम्ह मुख्यमन्त्री शाक्यं थौं न्ह्याइगु ९क्वःगु अधिवेशनया न्हापांगु मुँज्याय् भलसाया मत कयादीत्यंगु खः । मुख्यमन्त्रीया राजनीतिक सल्लाहकार माधव अर्यालं वंगु शुक्रबाः भलासया मत सम्बन्धी प्रस्ताव संसदय् दर्ता याकादीगु खः ।
 
वंगु भदौ २ खय् एमालेया एकल बहुमतं सत्तारोहण यानादीम्ह मुख्यमन्त्री शाक्यं संदसय् भलसाया मत चूलाकिगु संभावना खनेमदु । सच्छि व ९म्ह प्रदेशसभा दुजः दूगु बागमती प्रदेशय् भलसाया मतया नितिं ५५म्ह सांसद माःगु दु ।
 
नेकपा ब्वथलेधुंका १३म्ह सासंदं नेकपा एकीकृत समाजवादी शाक्यलिसे आः ४३म्ह सांसद जक दु । शाक्यं असोज २५ गते तक्क संसदय् भलसाया मत कायेमाःगु कानूनी बाध्यता दु । प्रदेशसभाय् नेकपा माओवादी केन्द्रया २३म्ह, नेपाली कांग्रेसया २२म्ह, नेकपा एकीकृत समाजवादीया १३म्ह व जनता सामाजवादी पार्टीया छम्ह याना विपक्षी गठबन्धनलिसे ६०म्ह सांसद दु ।
 
अथेहे विवेकशीललिसे ३म्ह व राप्रपा अले नेमकिपालिसे निम्ह निम्ह सांसद दु ।
Categorized in राजनीति