अष्ट्रेलियां अफगानिस्तानयात ७ विकेट बुकल
लहनान्युज | बछलागा चर्तुदशी ११३९ (जुन २ २०१९)
विश्वकप क्रिकेटय् विश्वविजेता टिम अष्ट्रेलियां अफगानिस्तानयात ७ विकेटं बुकुगु दु । इंग्ल्याण्डया ब्रिस्टोलय् काउन्टी मैदानय् उगु कासाय् । अफगानिस्तानयात अष्ट्रेलियां याउक बुकुगु खः ।
२०८ रनया लक्ष्य ज्वना ब्याटिङ यापिं अष्ट्रेलियां ३४.४ ओभरय् स्वःगु विकेटया नोक्सनाय् उगु कासा त्याकुःगु खः । अष्ट्रेलियाया लागि ओपनर डेभिड वार्नर अविजित ८९ रन व कप्तान
आरोन फिन्चं ४९ बलय् ६ चौका ४ छक्का प्रहार यासे ६६ रन दयेकुगु खः । न्हापागु विकेटया लागि ९६ रनया साझेदारी याःगु खः ।
टस त्याकाः न्हापां ब्याटिङ यासे अफगानिस्तानं ३८.२ ओभरय् २०७ रन अलआउट जुगु खः । अफगानिस्तानया नाजिबउल्लाह जाड्रनं ५१, रहमत साह ४३, कप्तान गुल्बदिन नाइब ३१ व राशिद खानं २७ रन दयेकुगु खः ।
बलिङ पाखे अष्ट्रेलियाया एडम जाम्पा व पट कुमिन्सं स्वंगु स्वंगु विकेट काःगु खःसा निगु विकेट मार्कुस स्टोनिस काःगु खः ।
