अष्ट्रेलियां पाकिस्तान बुकल
विश्वकप क्रिकेटय् अष्ट्रेलियां पाकिस्तानयात ४१ रन बुकुगु दु ।
 
 
बुना टस न्हापां ब्याटिङ यायेसे अष्ट्रेलियां ४९ ओभरय् दक्को विकेट गुमे यासे ३०७ रन दयेकुगु खः । अष्ट्रेलियां सुरुवातय् कप्तान आरोन फिन्च व डेभिड वार्नरया बालक्क प्रदर्शन यासे १४६ रनया साझेदारी याःगु खः ।
 
 
वार्नरं १११ बलय् ११ चौका व छगु छक्काया ग्वाहालिं १०७ रन दयेकुगु खः । अथेहे कप्तान एरोन फिन्च ८२ रन, ग्लेन म्याक्सवेल २० रन, स्टिभ स्मिथ १० रन, दयेकुगु खः । बलिङपाखे पाकिस्तानया मोहम्मद अमिरं ५ विकेट काःगु खः । 
 
 
अष्ट्रेलिया बिःगु ३०८ रनया लक्ष्य पाकिस्तानं ४५.४ ओभरय् दक्को विकेट गुमे याना २६६ रन जक दयेकेत तालागु खः । न्हापागु बिकेट २ रन वःगु खः । इमाम ५३, रनय् आउट जुुगु खः ।
अष्ट्रेलियाया लागि पेट कुम्मिन्सं स्वंगु व मिचेल स्टार्क नाप केन रिचार्डसनं निगु विकेट काःगु खः ।
 
Categorized in कासा