अष्ट्रेलियांं न्हापांखुसिइ टि–ट्वेन्टी विश्वकप क्रिकेटया उपाधि त्याकुगु दु ।

युएईया दुबइय् वंगु चान्हय् जूगु फाइनल कासाय् न्युजिल्याण्डयात ८ गू विकेटं बुका अष्ट्रेलियां न्हापांखुसिइ मिजंतये टि ट्वेन्टी क्रिकेट विश्वकप त्याकुगु खः ।

कासाय् न्हापा व्याटिङ याःगु न्युजिल्याण्डं क्वजिनातःगु २०गू ओभरय् ४ गू विकेट तंका सच्छि व ७२गू रन दयेकुगु खः । उमिगु नितिं केन विलियाम्सनं ८५गू रन दयेकुबलय् अष्ट्रेलियाया जोस हेजलउडं ३ गू विकट काःगु खः ।

लिसःलय् सच्छि व ७३ गू रनया आज्जु  अष्ट्रेलियां १९गू ओभरय् २गू विकेट तंका पूवंकुगु दु । अष्ट्रेलियायात त्याकेत मिचेल मार्शं अविजित ७७गू रन मुंबलय् डेभिड वार्नरं ५३गू  रनया योगदान बिउगु दु ।

कासा बूगुलिसें न्युजिल्याण्डया न्हापांखुसिइ टि–ट्वेन्टी विश्वकप त्याकेगु म्हगस धाःसा पूमवन । वंगु जुनय् न्युजिल्याण्डं विश्व टेष्ट क्रिकेट च्याम्पियनसिपया उपाधि त्याकुगु खः ।

Categorized in कासा