अष्ट्रेलियाविरूद्धया टी–ट्वान्टी सिरिजय् बंगलादेश त्यात
दिल्लागा चतुर्दशी ११४१,साउन २३ सनिवाः
अष्ट्रेलियाविरूद्धया स्वंगू कासाय टी–ट्वान्टी क्रिकेट सिरिजय् घरेलु टोली बंगलादेश त्याःगु दु ।
ढाकाय् म्हिगः जूगु स्वंगूगु कासाय् बंगलादेशं अष्ट्रेलियायात १० रनं बुकाः २ कासा न्ह्यः हे सिरिज त्याकूगु खः । बंगलादेशं अष्ट्रेलियाविरुद्धया न्यागू कासाया सिरिजय् लगातार स्वंगू कासा त्याकाः सिरिज थःगु दयेकूगु खः ।
थ्वयां न्ह्यः बंगलादेशं न्हापांगु कासाय् अष्ट्रेलियायात २३ रन अले निगूगु कासाय् ५ विकेटं बुकूगु खः । अष्ट्रेलियाविरुद्धया सिरिजय् बंगलादेशया थ्व ऐतिहासिक सिरिज जित खः ।
बंगलादेशं न्हापांगु खुसी अष्ट्रेलियाविरुद्धया सिरिज त्याकूगु खः । थ्वयां न्ह्यः, बंगलादेशं अष्ट्रेलियाविरुद्ध छुं नं फम्र्याटया सिरिज त्याकूगु मदुनि ।
शेर बंगला नेसनल स्टेडियमय् बंगलादेशं ब्यूगु सच्छि व २८ रनया आज्जुलिसें जवाफी ब्याटिङ याःगु अष्ट्रेलियां २० ओभरय् ४ विकेट तंकाः सच्छि व १७ रन जक दयेकेफत ।
Categorized in कासा
