२०७९ जेठ ७, शनिबार

अस्ट्रेलियाय् कोरोनाया हुनिं ३गू राज्यय् आपत्काल घोषणा

पोहेलागा द्धितीया ११४२, माघ ५ बुधवाः

अस्ट्रेलियाय् कोरोनाया हुनिं छन्हूं हे ७६म्ह सीइधुंका ३ गू राज्यय् आपत्काल घोषणा याःगु दु ।

न्यू साउथ वेल्स, भिक्टोरिया व क्विन्सल्यान्डय् आपत्काल घोषणा याःगु खः । लिसें अष्ट्रेलियाया ओमिक्रोन संक्रमित राज्यया नितिं थप ५७ द्वः स्वास्थ्यकर्मी परिचालन जूगु दु ।

अष्ट्रेलियाया स्वास्थ्यमन्त्री ग्रेग हन्टं अष्ट्रेलियाय् न्हियान्हिथं ७३द्वः कोरोना संक्रमति जुइगु न्ह्यागुलिं  ५७द्वःम्ह  स्वास्थ्यकर्मी थप जूगु जानकारी बियादील ।

स्वास्थ्यकर्मीतयेसं वालय् विदा तकं काये मदइगु नियम लागु याःगु दु । म्हिगः  अष्ट्रेलियाय् कोरोनाया हुनिं छन्हूं हे ७६म्ह सीगु खः ।

थ्व कोरोनां छन्हंू हे थुलि तःधंगु ल्याःखय् मनूत सीगु थ्व न्हापांखुसिइ खः  ।

Categorized in अन्तर्राष्ट्रिय