आःया महाधिवेशनया नेतृत्वय् ह्युपा वये माः, नेता सिंह
लहनान्युज | दिल्लागा दशमी ११४०,असार ३१ बुधवाः
नेपाली कांग्रेसया नेता प्रकाशमान सिंह न ७ फागुन निसे सुरु जुइगु पार्टीया १४ क्वःगु महाधिवेशनया नेतृत्वय् ह्युपा वये माःगु धका धयादिगु दु ।
समृद्धि अभियान सञ्चालन याये फुम्ह न्हुगु नेतृत्व पार्टीयात माःगु धका धयादिसे आः वइगु महाधिवेशनं नेतृत्व ह्युपा वये माःगुलि थःपि थुके लगे जुया च्वनागु धका धयादिगु दु ।
ठमेलया चाक्सीबारी थःगु हे छेँय् थौं बुधवाः ग्वसाः ग्वगु पार्टी प्रवेश ज्याझ्वलय् कांग्रेसया पूर्वमहामन्त्री सिंहं अथे धयादिगु खः ।
थौं जुगु उगु ज्याझ्वलय् २७म्हेसित नेता सिंहं अबिर तया लसकुस यागु खःसा येँ जिल्ला अध्यक्ष सबुज बानियाँ खादा क्वखायेका दिगु खः ।
