आः अन्तर बैक एटीएमय् शुल्क लगे जुइ
लहानान्युज | कछलागा चौथी ११४१, मंसिर १९ शुक्रवाः
आः छगु बैंकया एटीमएम कार्ड छ्यला मेगु बैंकपाखे एटीएमं ध्यवा लिकाय् वलय् शुल्क पुलेमालिगु दु।
नेपाल राष्ट्र बैंकया चालु आर्थिक दँया लागि हःगु मौद्रिक नीतिया समीक्षा यासे आवनिसे एमीएम शुल्क काये दइगु व्यवस्था याःगु दु।
थ्व स्वया न्ह्यः राष्ट्र बैंकं कोरोना भाइरसया असर दइगु वलय् तक न्ह्यागु बैंकया एटीमएमपाखे ध्यवा लिकाय् वलय् शुल्क मकायेत बैंकपिन्त निर्देशन बिःगु खः।
आः निर्देशन खारेज यासे बैंकपिन्त साविकया हे व्यवस्था कथं शुल्क कायेत राष्ट्र बैंक धाःगु दु ।
छगु बैंकया एटीमएम कार्ड छ्यला मेगु बैंकयो एटीएमपाखे ध्यवना लिकाय् वलय् बैंकपिन्स सामान्यतया छगु कारोबारय् २५ रुपैयाँ कायेगु याः।
तर, छु बैंकपिन्स २५ रुपैयाँ स्वया अप्वो कायेगु याःसा छगु बैंकं वः स्वया म्हो कया सेवा बिया वयाच्वंगु दु।
Categorized in राष्ट्रिय
