आइपीएल र सन्दिप
– प्रजीतशाक्य
विश्वया कासा बजारय् बांलाःपिं कासामित प्रत्येक देशय् म्हितकेगु नितिं आतुर जुयाच्वनीगु खः । उमित थःगु टिमपाखे ंम्हितकेत स्वयाच्वनी । तर थजाःगु बजाःदय्क दय्कं नं नेपाःयाका सामित चुइफूगु मदुनि । थौं कन्हय्या ई स्वय्गु खःसा नेपाःया सुंसुं कासामियात जक विदेशी क्लबय् म्हितेगु ह्वःताःचूलाःगु खनेदु ।
अथे खःसां थुगु वाः थ्व मामिलाय् नेपाःया कासा ख्यलय् लसताया छगू तरङ्ग हे हयाबिल । नेपाःया स्वम्ह लोकंह्वाःपिं कासामि विदेशी क्लबय् आबद्ध जुल । थुगु वालय् क्रिकेट कासामि सन्दीप लामिछाने अथेहे फुटबल कासामित किरण चेम्जोङ्ग व विमल घर्तीमगर विदेशी क्लबपाखें म्हितीगु निश्चित जूगु दु । सन्दीप इण्डियन प्रिमियर लिग (आइपीएल) म्हितीगु टिम ‘दिल्ली डेयरडेभिल्स’य् आबद्ध जुलसा विमल घर्तीमगर व किरण चेम्जोङ्ग इण्डियन फुटबल लिग (आइलिग) म्हितीगु क्लब मोहनबगान व मिनरवा पञ्जाबय् आबद्ध जुल ।
थ्व मध्यय् सन्दीपया आइपीएल टिमय् आबद्ध जूगु तसकं हे चर्चित जुल, नेपालय् जक मखु, विश्व क्रिकेटय् हे । उकिं थुगु च्वसुलिइ सन्दीपया आबद्धताया कयाःचर्चा याय्गु जुइ ।
आइपीएल सही अर्थय् क्रिकेटयात व्यवसायिक दय्कीगु कासाखः । आःथुकिया झिंछक्वःगु संस्करणतक थ्यंबलय् थुगु कासापाखें कासामियात धेबावा थें गाइगु खः । थन विश्वया अप्वः धइथें ततःधंपिं कासा मितय् ब्वति दइगु खः । उकिं आइपीएलय् म्हितेत“विश्वयाजि हे खः”धाइपिं क्रिकेट कासामित नं आतुर जुयाच्वनी ।
तर अक्सनं कासामित न्याय्मी याइगु थुगु कासाय् फुक्क हे भाग्यमानी हे जुइधाय् फइगु अवस्था मदु । थुगुसी इङ्गल्याण्डया कप्तान जोय रुट, हासिमआम्ला, मार्टिन गुप्टिल, जेम्स फाउकनर, कोरी एण्डगर्सन, इयोन मोर्गन, डेल स्टेन, लासिथ मालिंगा, इशान्त शर्मा लिसें यक्व हे लोकंह्वाःपिं कासामित चुइ मफुत ।
सन्दीपयात धाःसा दिल्ली डेयरडेभिल्सं नीगू लख भारतीय धेबा (नेपाःया स्वीनिगू लखतका)य् आबद्ध जुल । एशोसियट देय्या कोटाय् कासामि लिलामीइ लाःम्ह सन्दीपया सुरुवाटया धेबा नीगू लख भारतीय धेबालाःगु खः । सन्दीप उलि हे धेबाय् चुल । दिल्लीं शुरुइ हे नीगू लख तका तःगु खः । व लिपा मेमेगु टिमं धेबा तनेगु इच्छा मक्यनेवं सन्दीप दिल्लीइ आबद्ध जुयादिल । आइपीएलय् थ्व दकलय् म्हो धेबा जूसां नं नेपाःया कासामिया नितिं थ्यं मथ्यं स्वलाया थुगु कासाया नितिं यक्व हे धे बाखः ।
दिल्लीं न्याय ्धुंकाः सन्दीप जुल, आइपीएलय् म्हितीम्ह न्हापांम्ह नेपाःया कासामि । थ्व स्वयां न्ह्यः नेपाःया शक्ति गौचन राजस्थान रोयल्सय् ट्रायल बियादीगु खः, गुकी वय्कः ताः मलात । अथे हे पारस खड्का, ज्ञानेन्द्र मल्ल, महबुब आलम, चन्द्र साउद, अमृत भट्टराई, बसन्त रेग्मी, शरद भेषवाकरलिसें मे मेपिं कासामि तय्सं नं विदेशी भूमिइ व्यावसायिक क्रिकेट म्हितूगु खः । तर आइपीएलया तुलनाय् उगु कासाया स्तर क्वय् लाः ।
आइपीएलया अक्सनय् दुथ्याय् धुंकाः हे न्यासः व न्हय् च्याम्ह कासामि तय्गु धलखय् लाःसां सन्दीपं म्हितीगु सम्भावना बल्लाःगु अनुमान जुइ धुंकूगु खः । टि ट्वान्टीइ लेग स्पीनरया अप्वः छ्यलाबुला, सन्दीपया अस्ट्रेलियाया पुलांम्ह कप्तान माइकल क्लार्क लिसेया लिक्कया स्वापू व निदँन्ह्यःबङ्गलादेशय् क्वचाःगु यु–१९ विश्वकप क्रिकेटय् झिंप्यंगू विकेट कयाःदकलय् अप्वःविकेट काःम्हेसिगु धलखय् निगूगु थासय् लाःगुलि नं सन्दीप विश्व क्रिकेटया मिखाय् लाय् धुंकूगु खः । यु–१९ विश्वकपय् सन्दीपं आयरल्याण्ड विरुद्धया कासाय् ह्याट्रिब लिसें न्यागू विकेट काःगु खः ।
उगु कासालिपा सन्दीपयात महान् लेग स्पीनर शेन वार्नलिसे लनेगु ज्या जूगु खः । क्लार्कलिसे वय्कलं अष्ट्रेलियाय् नं लिग क्रिकेट म्हितूगु खः । न्हापांगु चरणय् घोषणा याःगु झिंछसःम्हेसिगु क्रिकेटया धलखय् मदुगु इलय् सन्दीपलिसें गुम्ह कासामि तय्त आइपीएलय टिम मालिकया विशेष इनापय् अक्सन धलखय् तःगु खः ।
उकिं नं सन्दीप चुइगु यक्व हे सम्भावना दुगु खः । थ्वबाहेक क्रिकेटया संस्कृतिदुगु नेपाःयाक्रिकेटर यात काःसा देय्न्यंकया समर्थन टिमयात दइगु स्वार्थ नं दु धइगु खँला दिल्ली डेयर डेभिल्सयासिइओ हेमन्त डुवां स्वीकार याय्धुंकूगु दु ।
मचा ल्याय्म्ह नं पूमवंनीम्ह कासामि गुम्ह एकदिवसीय व टि ट्वान्टी अन्तर्राष्ट्रिय मान्यता मदुगु देशया प्रतिनिधित्वयाइ, अजाःम्ह कासामि सन्दीपयात ल्यःगुलिं विश्व क्रिकेटय् हे बांलाःगु सन्देश लाःगु दु । आइपीएल थेंजाःगु कासायात पृष्ठभूमि माःगु जक मखु, एशोसियट टिमया कासामिं नं विश्वक्रिकेटय् नां व दां कमे याय्फू धइगु सन्दीपं प्रमाणित याःगु दु । सन्दीपयात ल्यःगुलिं पारस खड्का, ज्ञानेन्द्र मल्ल थेंजाःपिं मेमेपिं कासामियात भविष्यय् आइपीएल अक्सनय् थ्यनेगु माध्यम नं जुइफु ।
अथे खःसां सन्दीपं आइपीएलय् म्हित खनीगु खःवा मखु धइगु शंका दु । लिपांगु दँय् एशोसियट देय् यूएइया नीछदँ दुम्ह ब्याट्सम्यान चिराग सुरीयात गुजरात लायन्सं न्याःगु इलय् नं थुकथं हे चर्चा जूगु खः । तर वय्कलं छगू हे कासा नं म्हिते मखनाः निराश जुयादीम्ह सुरी सन् २०१८या अक्सन लिहां मवल ।
सन्दीपं नं सायद टिमय् नं संघर्ष याय् मालेफु । आइपीएलय् छगू कासाय् छगू टिमं अप्वः यानाः प्यम्ह विदेशी कासामि म्हितके फइगु प्रावधान दु । दिल्लीं थुगुसी न्हय्म्ह विदेशी कासामि थःगु टिमय् हःगु दु । दिल्लया टिमय् मेमेपिं कासामि क्रिस मोरिस (झिंछगू करोड तका), ग्लेन म्याक्सबेल (गुंगू करोड तका), कगिसो रबादा (प्यंगू करोड नीगू लखतका), ट्रेन्ट बोल्ट (निगू करोड तका), कोलिनमुन्रो (छगू करोड ग्वीगू लखतका), जेसन रोय (छगू करोड न्यय्गू लखतका) व ड्यानियल क्रिष्टियन (छगू करोड न्यय्गू लखतका) खः ।
तर कासामि स्वयां भारतया हे लेग स्पीनर अमीत मिश्रा टिमय् दुथ्याःगुलिं नं सन्दीपया म्हितेगु सम्भावना म्हो खनेदु । दिल्लीं भारतयात थःगु लेग स्पीनपाखें आपालं कासा त्याके धुंकूम्ह अमीतयात टिमय् हय्त प्यंगू करोड पूगु खः । अमीत ब्याटिङ्ग नं बांलाक्क हे याइम्हखः ।
सन्दीपं आइपीएल म्हिते मखंसा वय्कःयात जक मखु, नेपाःया क्रिकेटया नितिं हे दुःखजुइ । छाय्धाःसा विश्वं हे स्वइगु थुगु कासायु बांलाके फत धाःसा सन्दीपयाजक मखु, नेपाःया क्रिकेटया भविष्य बांलाइगु खः । अथेखःसां क्रिकेटय् छुं धाय् फइगु स्थिति मदु । छम्ह कासामि अस्वस्थता वा घाःपाःपाखें मेम्ह कासामिया भाग्य चाःगु यक्व हे दसू दु ।
अझ सकारात्मक बिचाःयाय्गु खःसा आइपीएल लिसेया आबद्धतां जक नं सन्दीपं यक्व हे खँ सीके फइगु अवस्था दु । दिल्लीया टिमय् सन्दीपया प्रशिक्षकय् अष्ट्रेलियाया पुलांम्ह कप्तान रिकीपोन्टिङ्ग जुइ ।
अथेहे गौतम गम्भीर, कोलिन मुन्रो, ट्रेन्ट बोल्ट, जोसन रोय, अमीत मिश्रा, ग्लेन म्याक्सबेल, मोम्मद सामी, डेनियन क्रिस्टियन, क्रिस मोरिस व ऋषभ पन्त थेंजाःपिं विश्व चर्चित कासामित सन्दीपलिसें दिल्ली डेयर डेभिल्सया ड्रेसिङ्ग रुमय् दइ ।
अमीतपाखें लेग स्पीनया मेमेगु कला सय्के फइ सन्दीपं । थ्व बाहेक थजाःपिं कासामित गुकथं थःत मानसिक व शारीरिक कथं फिट याना तइ धइगु ज्ञान नं सन्दीपयादइ । थुपिं कासामित लिसेया संगतं नं आइपीएलया अनुभव सन्दीपयानितिं जक मखु, नेपाःया क्रिकेटया नितिं नं फलदायीजुइ ।
