आइसोलेशनय् थः यःथे नयेगु दइ मखु, छु दु सकारात्मक तरिकां उपभोग याये’
लहनान्युज | ञंलाथ्व १ ११४०,भाद्र ४ बिहीवाः
सरकारं आइसोलेशन व क्वरेण्टीनय् च्वनिपिनिगु स्वास्थ्य मापदण्डया अनुशासन पालना ययोत इनाप याःगु दु । स्वास्थ्य मन्त्रालयं थःगु स्वास्थ्यया लागि जूसा नियमको पालना यायेत इनाप यासे छु सेवा सुविधा दु उकिइ चित्त बुझे यायेत धाःगु दु ।
मन्त्रालयया प्रवक्ता डाक्टर जागेश्वर गौतमं आइसोलेशन व क्वरेण्टीनय् च्वपिन्त ग्वाहालिया लागि इनाप यासे थः ज्याःगु अवस्थाय् सरकार नाप उपलब्ध स्रोत व साधनयात छ्यला सेवा बिया वया च्वनागुलि सकसित अनुशासित जुया च्वनेत इनाप यानादिगु खः ।
प्रवक्ता गौतमं ‘आइसोलेशनय् थःम्हेसिया माःगुु व थःत यःगु नयेत दइ मखु । छु दु वहे सकारात्मक तरिकां उपभोग याये धका धयादिगु खः ।’
स्वास्थ्य मन्त्रालयया प्रवक्ता डाक्टर गौतमं सङ्कटया थुगु इलय् सम्पन्न मनूत ग्वाहालि यायेगुलि मवःगु धका धयादिसे थज्याःगु इलय् ग्वाहालि मःयासा गु वलय् ग्वाहालि यायेगु धका न न्ह्यसः यानादिगु खः ।
