आईपीएलय् भिभो नापया प्रायोजन सम्झौता रद्द
लहनान्युज | गुंलागा १ ११४०,साउन २० मंगलवाः
चीन व भारतया दथुइ विवाद क्रिकेटय् न खने दया वःगु दु । भारतीय क्रिकेट बोर्ड बीसीसीआई न चिनियाँ मोबाइल कम्पनी भिभो नाप या प्रायोजन सम्झौता रद्द याःगु धका भारतीय सञ्चारमाध्यम एनडीटीभीं धाःगु दु ।
थुगु दँय् आईपीएल वइगु १९ सेप्टेम्बर निसे यूएईलय् जुइ त्यःगु दु । चीन नाप या तनाव अप्वःया वःगुलि आईपीएलय् भिभो मोबाइलयात मू प्रायोजन हटे यायेगु बीसीसीआई यात तधःगु दबाब वःगुलि भिभो नाप या सम्झौता तोडे याःगु दु ।
भिभों न्यादँया लागि मू प्रायोजन यायेगु लागि सन् २०१८ य् आईपीएल नाप निद्धः व १९९ करोड भारुया सम्झौता याःगु खः ।
सीमा क्षेत्रय् चिनियाँ सेना नाप आक्रमणय् २०म्ह भारतीय सैनिकया ज्यान वःगुनि निगु देय् दथुइ तनाव अप्वःया वःगु खः ।
