२०७८ माघ ५, बुधबार

आईपीएल क्रिकेटय् पन्जावयात राजस्थानया निगू रनं त्याकल

ञलाथ्व द्वादशी ११४१, असोज ६ बुधबाः

ईन्डियन प्रिमियर लिग आईपीएल टी–ट्वेन्टी क्रिकेटय् राजस्थान रोयल्सं पन्जाब किङ्सयात निगू रनं बुकुगु दु ।
 
दुबईलय् वंगु चान्हय् जूगु रोमान्चक कासाय् राजस्थानं बिउगु सच्छि व ८६गू रनया आज्जु लिउगु पन्जाब २०गू ओभरय् ४गू विकेट तंका सच्छि व ८३गू रनय् हे लिकुंगु खः ।
 
लिपांगु ओभरय् पन्जाबयात त्याकेगु नितिं ४ गू रन आवश्यक दूगु खः  । तर, राजस्थानया बलर कार्तिक त्यागीं छगू रन खर्च याना २ गू विकेट कायेधुंका पन्जाब जितपाखें छखेलात  ।
 
पन्जाबया नितिं मायांक अग्रवालं ६७गू रनया अर्धशतकीय इनिङ्स म्हितुगु खः । केएल राहुलं ४९गू रन दयेकल । थ्वयान्ह्यः न्हापा ब्याटिङ याःगु राजस्थानं याशभी जैसवालया ४९गू रनया ग्वहालिं २०गू ओभरय् सच्छि व ८५ गू रन दयेकुगु खः ।
 
पन्जाबया अर्शदिप सिंहं ५गू विकेट काःगु खः । थ्व कासा त्यागुलिसें ८गू कासापाखें ८ गू ल्याः मुंकुगु राजस्थान ल्याः धलःया ५गूगु थासय् दु । ७गूगु थाय्या पन्जाबं ९ गू कासां ६गू ल्याः मुंगु दु ।
 
उतिग्यंक १२गू ल्याः मुंगु चेन्नाई व दिल्ली धलःया शीर्ष निगू थासय् दु । 
Categorized in कासा