नेपाली कांग्रेसया सभापति शेरबहादुर देउवां एमालें आन्दोलन यानाः पहाड व मधेस दथुइ विभाजन हयेत स्वःगु द्वपं बियादीगु दु ।

नेविसंघया विद्यार्थी जागरण अभियानया थौं येँय् उलेज्या यानादिसें सभापति देउवां उकथं द्वपं बियादीगु खः । वय्कलं एमालें थीथी जिल्लाय् आन्दोलन यानाः राष्ट्रियता कमजोर यायेत स्वःगु तकं द्वपं बियादीगु दु । संविधान कार्यान्वयनया नितिं जूसां नं स्थानीय निकायया चुनाव अपरिहार्य जूगु धयादिसे देउवां छुं नं त्वहः च्यूंसां नं चुनाव मदीगु खँ धयादिल । नेविसंघं संविधान कार्यान्वयन, स्वबियु चुनाव, शैक्षिक सुधार व संगठन सुदृढीकरणया नितिं थनिनिसें खुलाया अभियान न्ह्याकूगु दु । अभियान हे झ्वलय् ११ गू जिल्लाया प्रतिनिधिया विवाद नं ज्यंकीगु नेविसंघया नायः नैनसिंह महरं धयादीगु दु ।

Categorized in राजनीति