आप्रावासीतय्गु डुंगा दुर्घटना जुयाः ४३म्ह सीत
बछलागा दशमी ११४१, असार २० गते आइतबाः
अफ्रिकां युरोप वनाच्वंगु आप्रावासीतय्गु डुंगा दुर्घटना जुयाः ४३म्ह मनूत मन्त ।
लिबियाया जुवारा बन्दरगाहलं भुमध्य सागर पार याःगु डुंगा ट्युनिशियाय् दुर्घटना जूगु खः ।
सछि व २७म्ह आप्रावासीत दुगु डुंगां ८४म्हेसित उद्धार याःगु दु । दुर्घटनाय् लानाः यक्व धइथें मिसात व मस्त सीगु दु ।
दुर्घटनाय् सुडान, बंगलादेश व इजिप्टया नागरिकत लाःगु धागु दु । इन्जिनय् खराबी वयाः डुंगा दुर्घटना जूगु प्रारम्भिक अनुसन्धानं क्यंगु दु ।
Categorized in अन्तर्राष्ट्रिय
