आर्सनलं एस्टन भिल्लायात ३–१ गोलं बुकाबिल
कौलागा तृतीया ११४१, कात्तिक ६ शनिबाः
इंग्लिस प्रिमियर लिग फुटबल अन्तर्गत वंगु चान्हय् जूगु कासाय् आर्सनल त्याःगु दु ।
घरेलु मैदानय् जूगु कासाय् आर्सनलं एस्टन भिल्लायात ३–१ गोलं बुकाबिल । आर्सनलया लागिं २३गूगु मिनेटय् थोमस पार्टी, न्हापांगु हाफया इन्जुरी ईया खुगूगु मिनेटय् पियर एमरिक अले ५६गूगु मिनेटय् स्मिथ रोवं गोल याःगु खः ।
एस्टन भिल्लाया लागिं ८२गूगु मिनेटय् ज्याकोब राम्सीं १ गोल लितबिल । कासा त्यायेधुंकाः ९ कासां १४ ल्याःलिसें आर्सनल ९गूगु थासय् दु । १० ल्याःलिसें एस्टन भिल्ला १३गूगु थासय् दु ।
Categorized in कासा
