आर्सनल एफए कप फुटबलया सेमिफाइनलय् थ्यन
लहनान्युज | दिल्लाथ्व नवमी ११४०, असार १५ सोमवाः
आर्सनल एफए कप फुटबलया सेमिफाइनलय् दुहा वःगु दु ।
क्वाटरफाइनलय् सेफिल्ड युनाइटेडयात २–१ गोलं बुका आर्सनल सेमिफाइनलय् थ्यःगु खः ।
आर्सनलया लागि निकोलस पेपें २५गू मिनेतय् पेनाल्टी छगू गोल व ड्यानियल सेबालसं इन्जुरी इलय् छगू गोल याःगु खः ।
सेफिल्डया डाभिड म्याकगोल्ड्रिकं ८७ गू मिनेटय् छगू गोल याःगु खः ।
थ्व स्वया न्ह्यः म्यानचेस्टर युनाइटेड सेमिफाइनलय् थ्यःगु ।
