पोखराय न्ह्यानाच्वंगु १२क्वःगु आहा रारा गोल्डकप फुटबल अन्तर्गत थौं त्रिभुवन आर्मी फुटबल क्लब व थ्री स्टार क्लब दथुई कासा जुई ।

न्ह्यनाच्वंगु कासाया लिपांगु क्वार्टरफाइनलय् निगुलिं पुचः जितया नितिं न्ह्यज्यानाच्वंगु दु । मछिन्द्रं फाइनलया नितिं कन्हे एपिएफलिसे म्हितिइ ।

थ्वयांन्ह्यः म्हिगया कासाय् साविक त्याकुमि संकटा क्लबयात ४–१ या सानदार जित पिकासें मछिन्द्र सेमिफाइनलय् दुथ्याःगु खः ।

स्वंगुगु क्वार्टरफाइनलय् संकटायात ४–१गूलिं बुकुसें मछिन्द्र लिपांगु प्यंगु थासय् पक्का याःगु खः । मछिन्द्रयात त्याकेत मेसुके ओलुमोउं निगू व उत्सव राई व  अभिषेक गुरुङं छगोल छगोल यात ।

संकटाया गणेश हमालं छगोल लिछ्यात । अथेहे शनिबाः जूगु क्वाटरफाइनल कासाया न्हापांगु कासाय् एपिएफं अमेरिकी टोली भुटनीज युथ स्पोर्ट्स क्लब (बिवाइएससी) यात ३–१ लिं बुकुगु खः ।

Categorized in कासा