२०८० चैत्र १६, शुक्रबार

इंग्लिस प्रिमियर लिग चेल्सी व युनाइटेड त्यात

ञंलाथ्व चतुर्दशी ११४१, असोज ४ सोमबाः

टोटनह्याम हट्सपरयात ३गू–०गू गोल अन्तरं बुकाः चेल्सी इंग्लिस प्रिमियर लिग फुटबलया दकले न्ह्यःनय् थ्यंगु दु ।
 
वंगु चान्हय् टोटनह्यामया मैदानय् जूगु कासाय् चेल्सीयात त्याकेबीत थियागो सिल्भा, एन्गोलो कान्टे व एन्टोनियो रुडिगरं छगोल–छगोल याःगु खः । कासा त्याकाः चेल्सीं ५गू कासापाखे. १३गू ल्या दयेकूगु दु ।
 
ज्वःलाक्क १३गू ल्या दयेकूगु लिभरपुल गोल अन्तरया लिधंसाय् निगूगु थासय् कुहाँवःगु दु । स्वंगूगु थासय्च्वंगु म्यान्चेस्टर युनाइटेडया १३गू ल्या दु । वंगु चान्हय् जूगु कासाय् म्यान्चेस्टर युनाईटेडं वेष्ट ह्याम युनाइटेडयात २गू–१गू गोल अन्तरं बुकूगु दु ।
 
म्यान्चेस्टरया नितिं क्रिश्चियानो रोनाल्डो व जेस्सी लिंगार्डं छगोल–छगोल याःगु खः । वेष्ट ह्यामया साइद बेन्राहमां न्हापांगु गोल याःगु खः । प्रिमियर लिगया मेगु कासाय् ब्राइटनं लेस्टर सिटीयात २गू–१गू गोल अन्तरं बुकूगु खः ।
 
Categorized in कासा