इंग्लिस लिगय् म्यानचेस्टर सिटीं त्याकल
लहनान्युज | दिल्लागा एकादशी ११४०,श्रावण १ बिहीवाः
बुधवाः चान्ह्य जूगु कासाय् सिटीं बर्नेमाउथयात २–१ गोल अन्तरं त्याकूगु दु । घरेलु मैदानय् सिटीया लागि डेभिड सिल्भा व ग्राबियल जिससं छगू छगू गोल याःगु खः । अथे उगु कासाय् बर्नेमाउथया डेभिड ब्रुक्स छगू गोल याःगु खः ।
कासाया खुगु मिनेटय् हे सिल्भां फ्री किक गोलयाना सिटीयाता न्ह्यने यकूगु खः । ३९गु मिनेटय् जिसस मेगू गोल यासे निगु हाफय् सिटी २–० यात निगू गोल न्ह्यने लाःगु खः । उगु कासाय् ८८ गु मिनेटय् बर्नेमाउथका डेभिडं छगू जक गोल याःगु खः ।
घरेलु मैदानय् सिटीें ३६गू कासाय् ७५ ल्याः दु । शीर्ष थासय् लाना च्वंगु लिभरपुलय् ९३ ल्याः हया सिटी लिभरपुल स्वया १८ल्याखं न्ह्यने दु ।
प्रिमियर लिग अन्तर्गत मेगु कासाय् टोटेनहमं न्युकासल युनाइटेडयात ३–१ गोल अन्तरं बूगु दु । टोटेनहमया लागि ह्यारी केनं निगु गोल व सन ह्युङ मिनं छगू गोल याःगु खः । न्युकासलया म्याट रिट्चीं गोल याःगु खः ।
मेगु कासाय् बर्नली व उल्भ्स छगू छगू १–१ गोलया बराबरी म्हितिगु दु ।
