इंग्लीम प्रिमियर लिगय् म्यानचेस्टर सिटीं नरिच सिटीयात बुकाबिल
गुंलाथ्व पञ्चमी ११४१, भाद्र ६ आइतबाः
इंग्लीश प्रिमियर लिगय् वंगु चान्हय् जूग्ु कासाय् म्यान्चेस्टर सिटीं नरिच सिटीयात ५–० गोलं बुकूगु दु ।
थःगु हे ख्यलय् जूगु कासाय् म्यान सिटीयात त्याकेत ज्याक ग्रिलिश, रियाद माहारेज, आयमेरिक लापोर्ते व राहिम स्टर्लीङं १, १ गोल यात । मेगु १ गोल नरिचया गोलकिपर टिम क्रुलं आत्माघाति याःगु खः ।
प्रिमियर लिगया हे मेगु कासाय् लिभरपुलं बर्नेलेयात २–० गोलं बुकूबलय् एस्टन भिल्लां न्युकासल युनाईटेडयात २–० गोल अन्तरं हे बुकल ।
अथे हे, लिड्स युनाईटेड व एभर्टनं २–२ गोलया ज्वलिंज्वः म्हितूबलय् क्रिष्टल प्यालेस व ब्रेन्टफोर्डं गोल मजूगु ज्वलिंज्वलय् लुधनेमाल । प्रिमियर लिगय् थौं चान्हय् स्वंगू कासा जुइ ।
थौं साउथह्याम्पटनं म्यान्चेस्टर युनाईटेडलिसे म्हितीबलय् वुल्भरह्याम्पटन व टोटनह्याम अले आर्सनल व चेल्सी दथुइ कासा जुइ ।
Categorized in कासा
