२०७८ मङ्सिर २२, बुधबार

इंग्लीश प्रिमियर लिगय् चेल्सी व लिभरपुल त्यात

कछलागा द्वितिया, मंसीर ५ आइतबाः

इंग्लीश प्रिमियर लिग फुटबलय् चेल्सी व लिभरपुल त्याबलय् म्यान्चेस्टर युनाइटेड बूगु दु ।

लिग धलःया शिर्ष थासय् दूगु चेल्सीं लेस्टर सिटीयात ३गू–०या गोल अन्तरं बुकुगु दु  । लेस्टर सिटीया ख्यःलय् जूगु कासाय् चेल्सीयात त्याकाबिइत एन्टोनियो रुडिगर, एन्गोलो कान्टे व क्रिश्चियन पुलिसिकं छगू छगू गोल याःगु खः ।

कासा त्यागु लिसें चेल्सीं लिगय् १२गू कासां २९गू ल्याः मुंकुगु दु । उतिग्यंक कासापाखें २५गू ल्याः मुंकुगु लिभरपुल निगूगु थासय् दु । लिभरपुलं वंगु चान्हय् आर्सनलयात ४गू–०या गोल अन्तरं त्याकुगु दु ।

कासाय् लिभरपुलयात त्याकाबिइत सादियो माने, डिएगो योटा, मोहोमद सालाह व मिनामिनाें छगू छगू गोल याःगु खः । प्रिमियर लिगया हे मेगु कासाय् वाट्फोर्डं म्यान्चेस्टर युनाइटेडयात ४गू–१गूया गोल अन्तरं बुकुबलय् वुल्भरह्याम्पटन वान्डरर्सं वेष्ट ह्याम युनाइटेडयात १गु–०या गोल अन्तरं बुकल ।

एस्टन भिल्लां ब्राइटनयात २गू–० या गोल अन्तरं बुकुबलय् बर्न्ले व क्रिष्टल प्यालेस अले न्युकासल युनाइटेड व ब्रेन्टफोर्डं ३गू–३गू गोलया ज्वलिन्ज्वः कासा म्हितुगु दु ।

Categorized in कासा