२०८० चैत्र १६, शुक्रबार

इंग्लीश प्रिमियर लिगय् लिभरपुलं बुकल बर्नलेयात

सिल्लाथ्व त्रयोदशी ११४२, फागुन २ सोमबाः

इंग्लीश प्रिमियर लिग फुटबलय् निगूगु थासय् दूगु लिभरपुलं बर्न्लेयात १गू–०या गोल अन्तरं बुकुृगु दु ।

बर्न्लेया मैदानय् वंगु चान्हय् जूगु कासाय् लिभरपुलयात त्याकाबिइत ब्राजिलियन कासामि फाबिनों कासाया ४० गूगु मिनेटय् निर्णायक गोल याःगु खः ।

कासा त्यागुलिसें लिभरपुलं शीर्ष थासय् दूगु म्यान्चेस्टर सिटीलिसेया ल्याः दुरी ९गू ल्याःखय् सिमित याःगु दु । २५गू कासां म्यान सिटीया ६३गू ल्याः जूगु दुसा २४ गू कासा म्हितूगु लिभरपुलया ५४गू ल्याः जूगु दु ।

इंग्लीश प्रिमियर लिगया हे मेगु कासाय् टोटनह्याम हट्सपरयात वुल्भरह्याम्पटन वान्डरर्सं २गू–०या गोल अन्तरं बुकुबलय् न्युकासल युनाइटेडं एस्टन भिल्लायात १गू–०या गोल अन्तरं बुकुृगु दु ।

वंगु चान्हय् वेष्ट ह्याम युनाइटेड व लेष्टर सिटीं  २गू–२गू गोलया ज्वलिन्ज्वः कासा म्हितुगु खः  ।

Categorized in कासा