इंग्लीश प्रिमियर लिग फुटबलय् म्यान्चेस्टर सिटीं आर्सनलयात  २गू–१गूया गोल अन्तर बुकुगु दु ।

वंगु चान्हय् आर्सनलया मैदानय् जूगु कासाया ३१गूगु मिने्टय् बकायो साकां गोल याना आर्सनलयात अग्रता बिउगु खः । ५७गूगु मिनेटय् म्यान्चेस्टर सिटीया रियाद माहारेजं पेनाल्टीमार्फत ज्वलिन्ज्वःः गोल याःगु खः ।

५९गूगु मिनेटय् आर्सनलया डिफेन्डर ग्याब्रियल ह्याउँगु कार्ड नया मैदानं पिहाँवनेधुंका टोली १० म्ह कासामिइ लिकुंगुृ खः । इन्जुरी इलय् रोड्रिले म्यान सिटीया नितिं निर्णायक गोल याःगु खः ।

कासा त्यागु लिसें म्यान्चेस्टर सिटीं धलःया निगूगु थासय् दूगु चेल्सीलिसे ११गू ल्याःया अग्रता काःगु दु । २१गू कासां म्यान सिटीया ५३गू ल्याः जूगु दुसा २०गू कासां चेल्सीया ४२गू ल्याः जूगु दु । उतिग्यंक ४२गू ल्याः मुंकुगु लिभरपुल ३गूगु थासय् द्ु ।

लिभरपुलं थौं चान्हय् चेल्सीलिसे म्हितिइ । प्रिमियर लिगया हे मेगु कासाय् म्हिगः टोटनह्याम हट्सपरं वाट्फोर्डयात  १गू–०या गोल अन्रतरं बुकुबलय् वेष्ट ह्याम युनाइटेडं क्रिष्टल प्यालेसयात ३गू–२गूया गोल अन्तरं त्याकुगु दु ।

लेष्टर सिटी व नरिच सिटीया कासा धाःसा कोभिडया हुनिं पोस्टपोन्ड यायेमाल  ।

Categorized in कासा