इंग्लीश प्रिमियर लिग फुटबलय् लिभरपुल व आर्सनल त्याःगु दु । ल्याधलःया निगूगु थासय् दुगु लिभरपुलं वंगु चान्हय् लेष्टर सिटीयात २–० गोल अन्तरं बुकल ।

लिभरपुलया नितिं निगुलिं गोल डिएगो योटां यात । वंगु चान्हय् जूगु कासाय् आर्सनलं वुल्भरह्याम्प्टन वान्डरर्सयात १–० गोलं बुकल । आर्सनलं कासा त्याकूबलय् डिफेन्डर ग्याब्रियलया गोल निर्णायक याःगु दु ।

वंगु चान्हय्या कासालिपा इंग्लीश प्रिमियर लिग फुटबलया ल्या धलखय् २४गू कासापाखें ६०गू ल्या दयेकूगु म्यान्चेस्टर सिटी दकले न्ह्यःनय् दु । २३गू कासापाखें ५१गू ल्या मुंकूगु लिभरपुल निगूगु थासय् दु ।

४७गू ल्या मुंकूगु चेल्सी स्वंगूगु थासय् दु ।

Categorized in कासा