इंग्ल्याण्डं भारत बुकल
लहनान्युज | तछलागा चर्तुदशी ११३९ (जुलाई १ २०१९)
विश्वकप क्रिकेट अन्तर्गत आइतवाः चान्ह्य जुगु कासाय् इंग्ल्याण्डं भारतयात ३१ रन बुकुगु दु ।
थुगु कासा लिपा इंग्ल्याण्ड १० ल्याः नाप आः प्यंगु थासय् थ्यंगु दुःसा भारत निगुगु थासय् दु ।
इंग्ल्याण्डं न्हापा ब्याटिङ यासे निर्धारित ५० ओभरय् ७ विकेटया क्षतिइ ३३७ रन दयेकुगु खः । इंग्ल्याण्डया जोनी बेयरस्टां १११ रनया योगदान याःगु खःसा म्यान अफ द म्याच उगु कासाय् जुगु खः ।
अथेहे बेन स्टोक्स ७९ व जो रुट ४४ रन दयेकुगु खः । बलिङपाखे भारतया मोहम्मद शमीं ५ विकेट काःगु खः ।
३३८ रनया लक्ष्य ज्वना ब्याटिङ यापिं भारतं ५ विकेटया क्षतिइ ३०६ रन जक दयेके फत । भारतया लागि रोहित शर्मां १०२ व बिराट कोहली ६६ रनया योगदान याःगु खः ।
इंग्ल्याण्डया विश्वकप सन् १९९२ लिपा भारत विरुद्ध न्हापा त्याःगु खःसा आः जुया च्वंगु विश्वकपय् भारत न्हापा बुगु खः ।
आः सेमिफाइनलया लागि इंग्ल्याण्डयात ३ जुलाई खय् जुइगु कासाय् न्युजिल्याण्डयात बुकेहे मानि । भारतया मेगु कासा आः वइगु २ जुलाईलय् बंगलादेश नाप दु ।
