इंग्ल्याण्डया वलर जेम्स एण्डरसनया ६०० टेष्ट विकेट पूरा
लहनान्युज | ञंलाथ्व ८ ११४०,भाद्र १० बुधवाः
इंग्ल्याण्डया फास्ट वलर जेम्स एण्डरसनं ६०० टेष्ट विकेट थ्यकूगु दु ।
एण्डरसन टेष्ट क्रिकेटय् ६०० विकेट पूरा याम्ह न्हापाम्ह फास्ट बलर जुगु दु । उगुु कासाय् इंग्ल्याण्डं झीदँ लिपा टेष्टय् पाकिस्तानयात बूकुगु दु ।
स्वगूगु व लिपागु टेष्ट बराबरी जूसा इंग्ल्याण्डं थुगु सिरिज १–० त्याकेत ताः लाइगु जुगु दु । न्हापागु टेष्ट इंग्ल्याण्डं त्याकुगु खःसा निगुगु टेष्ट वाः वया बराबरी क्वचाःगु खः । लिपागु पटक सन् २०१० य् इंग्ल्याण्डं पाकिस्तानयात टेष्ट सिरिजय् बूकुगु खः ।
स्वगूगु टेष्टय् एण्डरसनं न्ह्यगू विकेट काःसे गःगु करियरय् ६०० विकेट पूरा याःगु खः । थुगु उपलब्धी हासिल याम्ह आःतक प्यम्हम्ह व न्हापाम्ह फास्ट बलर खः ।
थ्व स्वया न्ह्यः मुथैया मुरलीधरन, शेन वार्न व अनिल कुम्बले जक ६०० स्वया अप्व विकेट काःगु दु । उपि स्वम्ह स्पीनर बलर खः ।
