इंग्ल्याण्ड व डेनमार्क युरोकप फुटबलया सेमिफाइनलय्
बछलागा दशमी ११४१, असार २० गते आइतबाः
इंग्ल्याण्ड व डेनमार्क युरोकप फुटबलया सेमिफाइनलय् थ्यंगु दु । वंगु चान्हे जूगु क्वाटरफाइनया कासाय् ४–०नां बुका ईंग्ल्याण्ड सेमिफाइनलय् थ्यंगु खः ।
इटालीया रोमय् जूगु कासाय् इंग्ल्याण्डयात त्याकेत ह्यारी केनं निगू गोल याबले ह्यारी म्याग्वेर व जोर्डन हेन्डर्सनं छगोल छगोल याःगु खः । त्याय्धुंका ईंग्ल्याण्डं डेनमार्कलिसे सेमिफाइनल कासा तय याःगु दु ।
वंगु चान्हे हे जूग मेगु क्वाटरफाईनल कासाय् चेक रिपब्लिकयात २–१गू बुका डेनमार्क नं सेमिफाइनलय् थ्यंगु खः । अजरबैजानया बाकुइ क्वचाःगु कासाय् डेनमार्कया लागि थोमस डेलानी व कास्पर डोल्वगं छगोल छगोल यात ।
चेक रिपब्लिकया प्याट्रिक शिकं छगोल लिछ्यात । युरोकप फुटबलया सेमिफाइनलय् कासा मंगलबार निसें न्ह्याइ । मंगलबार चान्ह्य इटाली व स्पेन दथुई व बुधबार ईंग्ल्याण्ड व डेनमार्क दथुई सेमिफाइनल कासा जुई ।
