२०८० चैत्र १६, शुक्रबार

इंग्ल्याण्ड व स्विट्जरल्याण्ड कतारय् जुइगु विश्वकप फुटबलय् दुहांवन

कछलाथ्व द्वादशी ११४२, कात्तिक ३० मंगलबाः

इंग्ल्याण्ड व स्विट्जरल्याण्ड आकिवं कतारय् जुइगु विश्वकप फुटबलय् दुहांवंगु दु ।

वंगु चान्हय् जूगु पुचःया लिपांगु लिपांगु कासाय् मारिनोयात १०–० या तब्यागु गोल अन्तरं बुकाः इंग्ल्याण्ड विश्वकपया ल्यज्याय् लाःगु खः । थ्व पुचलय् निगूगु थासय् लाःगु पोल्याण्डं प्ले–अफ् म्हितेमालीगु जूगु दु ।

वंगु चान्हय् हे जूगु मेगु कासाय् बुल्गेरियायात ४–० गोलं बुकाः स्विट्जरल्याण्ड नं विश्वकपय् दुहांवंगु दु । निगूगु थासय् लाःगु इटाली प्ले अफय् लिकुन । युरोपियन च्याम्पियन इटालीयात वंगु चान्हय् नर्दन आयरल्याण्डं गोल मजूगु ज्वलिंज्वलय् पंगु खः ।

विश्वकप ल्यज्याया हे मेगु कासाय् स्कटल्याण्डं डेनमार्कयात २–० गोलं बुकाः अष्ट्रियां मल्दोभायात ४–१ गोलं अले हंगेरीं पोल्याण्डयात २–१ ले गोलं बुकाबिल । विश्वकप ल्यज्या अन्तर्गत युरोपेली पुचःया ल्यं दुगु ल्यज्या कासात थौं चान्हय् जुइ ।

Categorized in कासा