२०८० चैत्र १६, शुक्रबार

इंग्ल्याण्ड २७ दँ लिपा फाइनलय्

लहनान्युज | दिल्लाथ्व एकादशी ११३९ (जुलाई ११ २०१९)

विजेता अष्ट्रेलियायात ८ विकेटं बुका इंग्ल्याण्ड विश्वकप क्रिकेटया फाइनलय् थ्यःगु दु । सन् १९९२ लिपा न्हापां फाइनल थ्यःगु खः । इंग्ल्याण्डं विश्वकप क्रिकेटया फाइनलय्  उपाधिया लागि न्युजिल्याण्ड आः म्हितिइ ।
 
 
फाइनल वनेगु लागि अष्ट्रेलियां ब्युगु २२४ रनया लक्ष्य घरेलु टोलीं ३२.१ ओभरय् २ विकेट क्षतिइ उगु पुं वःकुगु खः । ओपनरपि जेसन रोय व जोनी बास्टां १२४ रनया साझेदारी यासे रोय ८५ रन दयेका आउट जुगु खः ।
 
 
उगु लक्ष्य जोय रुट व इयान मार्गानया अविजित ७७ रनया साझेदारी यासे इंग्ल्याण्डयात फाइनल थ्यकुगु खः । उगु कासाय् रुट ४९ व मोर्गान ४५ रन अविजित जुगु खः ।
 
 
वर्मिङहृयामय् टस त्याका न्हापा ब्याटिङ यासे अष्ट्रेलियां खराब प्रदर्शन यासे ४९ आभरय् २२३ रन हे अलआउट जुगु खः । अष्ट्रेलियाया लागि दकलय् अप्वो स्टेभन स्मिथं ८५ रन दयेकुगु खः ।
 
 
१.१ ओभरय् प्यःगु चार रन हे कप्तान एरोन फिन्च शुन्य रनय् आउट जुग खः । अथेहे, १० रन डेभिड वार्नर, १४ रनय् पिटर हृयान्ड्सकोम्ब आउट जुगु खः ।
 
 
बलिङपाखे इंग्ल्यान्डया आदिल राशिद व क्रिस वोक्सं स्वंगु स्वंगु  विकेट व जोफ्रा आर्चर निगु विकेट काःगु खः ।
 
Categorized in कासा