२०८० चैत्र १६, शुक्रबार

इंग्ल्यान्ड विश्वकपया सेमिफाइनलय्

लहनान्युज | दिल्लाथ्व दुतिया ११३९ (जुलाइ ४ २०१९)

आयोजक राष्ट्र इंग्ल्यान्ड विश्वकप क्रिकेटया सेमिफाइनलय् थ्यंगु दु । बुधवाः चान्ह्यय्  जुगु कासाय् न्युजिल्यान्डयात ११९ रनं बुकाः इंग्ल्यान्ड विश्वकपया सेमिफाइनलय् थ्यःगु खः ।
 
 
३०६ रनया लक्ष्य ज्वना ब्याटिङ यासे न्युजिल्यान्ड ४५ ओभर १८६ रन हे अल आउट जुगु खः । न्युजिल्यान्डया लागि टोम नाथम ५७ रन, रोस टायलर २८ व कप्तान केन विलियम्सन २७ रनया  योगदान याःगु खः । 
 
 
इंग्ल्यान्डया लागि जोनी बैरस्टोव व ज्यासन रोय नं १२३ रनया साझेदारी यासे ३०५ रनया दयेकेत तालाःगु खः । जोनी १०६, रोय ६० रन, कप्तान इयोन मोर्गन ४२ रन, जोइ रुट २४ रन दयेकुगु खः ।
 
 
बलिङपाखे न्युजिल्यान्डया ट्रेन्ट बोल्ट, मट हेनरी व जेम्स निसामं निगु निगु विकेट काःगु खः ।
 
 
थुगु कासा लिपा इंग्ल्यान्ड विश्वकपया सेमिफाइनलय् थ्यःगु खःसा न्युजिल्यान्ड धासा सेमिफाइनलया लागि पाकिस्तान व बंगलादेशया दथुइया कासाया लिच्वः पिया च्वनि मालीइ ।
 
Categorized in कासा