इग्लीश प्रिमियर लिगय् म्यान्चेस्टर युनाईटेड व टोटनह्याम त्यात
गुंलागा अष्टमी ११४१, भाद्र १४ सोमवाः
इग्लीश प्रिमियर लिग फुटबलय् वंगु चान्हय् म्यान्चेस्टर युनाईटेड व टोटनह्याम हट्सपर त्यागु दु ।
थःगु हे मैदानय् जूगु कासाय् टोटनह्यामं वाट्फोर्डयात १गू–०या गोल अन्तरं बुकल । टोटनह्याम त्यागुलिइ कोरियाली कासामि ह्युङ मिन सनं ४२ गूगु मिनेटय् याःगु गोल हे निर्णायक जुल ।
मेगु कासाय् म्यान्चेस्टर युनाईटेडं वुल्भरह्याम्पटन वान्डरर्सयात १गू–०या गोल अन्तरं त्याकुगु दु । म्यान्चेस्टरया मेसन ग्रिनउडं निर्णायक गोल याःगु खः । वंगु चान्हय् जूगु मेगु कासाय् बर्न्ले व लिड्स युनाईटेडं १गू–१गू गोलया ज्वलिन्ज्वः कासा म्हितुगु दु ।
बर्न्लेया क्रिश उडं न्हापांगु गोल याःबलय् लिड्सया प्याट्रिक बाम्फोर्डं ज्वलिन्ज्वः गोल याःगु खः ।
Categorized in कासा
