इङ्ग्ल्यान्डं पाकिस्तानयात न्यागु विकेट त्याकल
लहनान्युज | ञंलाथ्व १३ ११४०,भाद्र १५ सोमवाः
घरेलु टिम इङ्ग्ल्यान्डं पाकिस्तानया विरुद्ध निगु ट्वान्टी–ट्वान्टी क्रिकेटय् त्याकूगु दु ।
म्यानचेस्टरय् वःगु चान्हय जूगु कासाय् इङ्ग्ल्यान्डं पाकिस्तानया ५ विकेट बूकुगु खः ।
ओल्ड ट्राफोडय् पाकिस्तानं बिःगु १ सय ९६ रनया लक्ष्य इङ्ग्ल्यान्डं १९ ओभर १ बलय् ५ विकेट गुमे याना पूरा याःगु खः ।
इङ्ग्ल्यान्डया लागि कप्तान इयान मोर्गनं ६६ रनया अर्धशतकीय इनिङ्ग म्हितूगु खः । अथेहे डाविड मालनं अविजित ५४ रनया अर्धशतकीय इनिङ्ग म्हितिगु खः ।
अथहे मेपि इङ्ग्ल्यान्डया जोनी बेयर्स्टों ४४ व टम बानटनं २० रनया योगदान बिःगु खः । पाकिस्तानया शादब खानं ३ व हरिस राउफं २ विकेट काःगु खः ।
वया स्वया न्ह्यः ब्याटिङ याःगु पाकिस्तानं २० ओभरय् ४ विकेट गुमे याना १ सय ९५ रन दये कूगु खः ।
आः मेगु कासा कन्हय जुइत्यःगु खः ।
Categorized in कासा