इङ्ल्यान्ड न अस्ट्रेलियायात २४ रनं त्याकल
इङ्ल्यान्डय् जुया च्वंगु स्वगू एकदिवसीय सिरिजय् निगूगु कासा घरेलु टोली त्याःगु दु । आइतवाः चान्ह्य जुगु कासाय् इङ्ल्यान्डं अस्ट्रेलियायात २४ रनं त्याकूगु खः । इङ्ल्यान्ड बिःगु २ सय ३२ रन लक्ष्य अस्ट्रेलियां २ सय ७ रन जक दयेकुगु खः । अस्ट्रेलिया ४८.४ ओभरय् २ सय ७ रन दयेका अलआउट जुगु खः ।
 
अस्ट्रेलियाया लागि कप्तान आरोन फिन्चं दकलय् अप्वो ७३ रनया योगदान याःगु खः ।
 
अथेहे मार्नुस लबुस्चङने ४८ रन, विकेटकिपर ब्याट्सम्यान एलेक्स क्यारी ४१ बलय् ३६ रन, पाट कुमिन्सं ११ रन दयेकुगु खः ।
 
अस्ट्रेलियायात बुकेगु लागि क्रीस ओक्स, साम कुरन व जोफ्रा आर्चरं स्वगु स्वगु विकेट काःगु खः । अथेअ‍े अलिद रासिदं छगु विकेट काःगु खः ।
 
टस त्याका न्हापा ब्याटिङ याःगु इङ्ल्यान्डं ५० ओभरय् गुगुं विकेटय् २ सय ३१ रन दयेकेगु खः । इङ्ल्यान्डया लागि कप्तान एयोन मोर्गनं ५२ बलय् ४२ रन, जोए रूटं ७३ बलय् ३९ रन, टोम कुरानं ३७, अलिद रासिद ३५, क्रीस ओक्स २६ व जसन रोयं २१ रन दयेकूगु खः ।
 
अस्ट्रेलियाया लागि आदम जम्पां स्वगू विकेट, मिचेल स्टार्कं निगु, जोस हाज्लेवुड, पाट कुमिन्स व मिचेल मार्सकें छगु छगु विकेट काःगु खः । थ्व नाप आः सिरिज १—१ यो बराबारी जुगु दु ।
Categorized in कासा