इजरायली हताःपाखें गाजा पट्टीइ १३ तजाया भवन ध्वस्त, २८म्ह सित
कछलाथ्व पारु ११४१,बैसाख २९ बुधवाः
इजरायल व प्यालेष्टाइन दथ्ुया हिंसात्मक ज्यापहः तच्वःगु दु । लिपांगु ई इजरायली सेनाया हताःलं गाजा पट्टीइ दूगु १३ताजा भवन ध्वस्त जूगु दु ।
इजरायली सेनां भवनय् दूपिं मनूतयेत पिहाँमवयेत ख्याच्वः बिउगुृ घौछि त्या लिपा ३सः सिवें आपा हवाई व रकेट हताः जूगु धाःगु दु । प्यालेष्टाइनी लडाकु पुचः हमास व इजरायली सेना दथुइ न्ह्यानाच्वंगु हिंसाया हे झ्वलय् जूगु रकेट व हवाई हताःलय् निखेरया याना ३१ म्ह सीगु दु ।
प्यालेष्टाइनपाखे २८म्ह व इजरायलपाखे ३ म्ह सीगु खः । २ सः सिवें आपा घाःपाः जूगु दु । सन् २०१७ लिपा थुपिं निगू पक्ष दथुइ जूगु थ्वहे तःधंगु हिंसात्मक ल्वापु खः ।
थ्वहे दथुइ इजरायली प्रधानमन्त्री बेन्जामिन नेतान्याहुं हमासं सीमा रेखा पुलावःगु प्रतिक्रिया बिउसें थुकिया तःधंगु मू पुलेमालिगु ख्याच्वः बियादील । तर हमासं धाःसा इजरायलं जबरजस्ती रुपय् हताः याःगु धासें प्रतिकार यायेगु लिसः बिउगु दु । इजरायल व प्यालेस्टाइन दथुइ लिपांगु ई जेरुसलमय् दूगु नाँजाःगु अल अक्सा मस्जिदय् दाबीया विषयलं हिसा तच्वःगु खः ।
इजरायलं नं उगु मस्जिद थःपिनि पवित्र धार्मिक थाये धका दाबी यायेधुंका थुगु हे मस्जिदया विषयलय् निगू देय् दथुइ तनाब अप्वःगु खः । अन्तर्राष्ट्रिय समुदायं निगुलिं पक्षयात संयमता नालेत इनाप याःगु दु ।
Categorized in अन्तर्राष्ट्रिय
